QUE AGASALLOS NOS DEIXARON OS REIS MAGOS?

O luns cando chegamos a clase estabamos tan contentos que non podíamos deixar de falar das cousas que fixemos nas vacacións, especialmente queríamos contarlles a tod@s os agasallos que nos deixaron Papá Noel e os Reis Magos. Unha morea de cousas!!!

Algúns non lles chegaban as palabras para contar en cinco minutos os agasallos tan bonitos que recibiron, outros non recordaban ben os seus nomes e outros tiñan tanta vergoña que case quedaron sen palabras. Pero descubrimos que deixaron unha morea de cousiñas, como: ordenadores de Hello Kitty, maquillaxes, bonecas, coches de Rayo, patíns, “Bakuban”, pistas de automovilismo, … e un sin fin de cousas con nomes moi, moi raros.

Aquí vos deixamos dous vídeos con todo o que contaron os exploradores o seu primeiro día de clase despois das vacacións e as sonrisas máis lindas da inocencia.

UNS REIS MAGOS MOI ESPECIAIS

O último día, chegaron por sorpresa as nosas clases os reis magos de oriente, estiveron moi atentos a todo o que estabamos facendo, especialmente o rei Gaspar que tiña unha conexión moi especial cos nosos exploradores. Fixeron moitas preguntas aos peques pero tamén eles lles fixeron moitas e moi curiosas. Así foi a chegada real á clase dos exploradores…

PORTADAS DE NADAL

Os exploradores andiveron preparando, estes días antes de rematar o primeiro trimestre, as portadas dos seus traballos ao longo de varias sesións. Tiveron que deixar voar a súa imaxinación e representar as cousas de Nadal que máis lles gustan, como por exemplo: bonecos de neve, árbores de Nadal, agasallos,… para elo empregaron diferentes técnicas plásticas que daban forma e cor as súas pequenas creacións, como: o collage, o recortado, o debuxo, o rasgado,…

Estes foron os resultados e tamén vos deixamos unha mostra de todo o proceso de elaboración e creación de tan lindas obras de arte. Noraboa!!!

FESTA RACHADA NOS ANIVERSARIOS DE DECEMBRO

Nesta ocasión na clase dos exploradores non había ningún “cumpleañeiro” pero pasámolo xenial na festa dos nosos compis. Cantamos, botamos foguetes, comemos lambetadas de Nadal e ata “palomitas” de millo. Que ben o pasamos!!!!

UNHA FELICITACIÓN MOI EXPLORADORA

Eiquí vos deixamos a nosa máis tenra felicitación de Nadal. Espero que vos guste!!!!

IMOS PEDIR O AGUINALDO

O venres os exploradores tiveron un día moi atarefado. Á primeiriña hora tiveron que ir pedir o aguinaldo, logo recibir aos reis magos e facer a foto de grupo con eles, logo almorzar coas cousas que nos deran no aguinaldo e por último cantar a panxoliña ante un público moi esixente.

Así foi o noso percorrido pola escola pedindo o aguinaldo e mirade cantas cousas recibiron a cambio, foi xenial!!!!

Tivemos que facer dous vídeos porque non nos queríamos esquecer de ninguén. Ahí vos deixo unha mostra…

PANXOLIÑA: AS XANEIRAS

Un ano máis chegadas estas datas, os peques sacaron as súas mellores voces para cantar unha panxoliña de Nadal. A pesar de que a panxoliña non era sinxela fixéronno xenial. Iso si, deixamos a música de fondo para que non se perderan.

A profe Rosa tentou de non moverse moito pero como quería enfocar todo escenario non puido evitar algún vaivén no percorrido, ahí vos deixo o meu vídeo e espero que non vos mareedes moito…

A CHEGADA DO PAXE REAL

Esta mañá tivemos unha linda sorpresa mentras estabamos traballando, chamaron á porta e…… sabedes que apareceu? O paxe real, co seu traxe real e unha gran caixa para recoller todas as cartas dos nenos e nenas do cole de Reboreda.

Os exploradores xa tiñan todo preparado dende xa uns días porque esperaban ilusionados a súa chegada, prepararon con moito coidadiño as súas cartas, eran cartas de maiores!!! El deixounos como adianto unha morea de caramelos, porque observou o ben que traballaban estes cativ@s, ata lle deixou a profe Rosa uns carameliños porque foi tamén un pouco boa. Noraboa a todos e agora a esperar uns días para ver se chegan eses regalos tan desexados.

CARTAS AOS REIS MAGOS

Hoxe estou enormemente contenta cos meus queridos exploradores. Xa son tan grandes!!! Xa medraron tanto!!!

Como a próxima semana chegará o paxe real para recoller as cartas dos reis dos peques de Reboreda, estivemos traballando esta mañá duramente para telas preparadas. Foi un traballo de maiores e estivemos moi, moi atentos para facelo ben.

Primeiro entre todos eleximos os regalos e escribimos na pizarra, coa axuda da profe, os nomes dos xoguetes, como por exemplo: ordenador, maquillaje, casita, sillita, tabla de surf, coche, avión,…, e despois comezamos a completar os espazos baleiros da carta, como: o noso nome, os nosos anos e logo colocamos os nomes de tres xoguetes preferidos nos espazos. Aínda que semellaba sinxelo non foi así….. cando íamos a escribir os nomes dos xoguetes xa non lembrabamos moi ben onde estaba escrito e tivemos que voltar a ler cada unha das palabras ou coa axuda dun compañeir@ tentar adiviñar onde estaba, logo tivemos que facer boa letra para que os reis poidan ler sen problemas todos os agasallos que escribimos, xa que están un pouco velliños e a vista xa comeza a fallarlles un chisquiño. Ao final conseguímolo, ata houbo algún que quixo improvisar e escribiu xoguetes que non estaban na lista, como por exemplo: Helicóptero.

Mirade que ben quedaron as cartas, non me digades que non son xa uns grandes exploradores, verdade???

A POSTAL DE NADAL

Este ano tócalle aos peques de Reboreda facer a postal de Nadal para felicitar as festas a tod@s.

Os peques tiñan que facer unha e logo un serio xurado debería elexir de entre todas, a mellor, pero as profes deseñaron un sistema mellor. En cada unha das clases todo o grupo faría en conxunto unha empregando diferentes técnicas e recursos plásticos, é dicir, uns farían o fondo, outros pegarían papeliños de cores, outros bólas de papel, outros estamparían, outros picarían, outros recortarían,… así entre tod@s daríamos forma a nosa postal e logo coa axuda da profe Vero (que é a experta en novas tecnoloxías, jajajajaja) faríamos unha montaxe coas catro postais, e este é o resultado final… Esperamos que vos guste tanto coma a tod@s nós…



E así os exploradores deron forma ás súas bólas de Nadal…

AGASALLOS DE NADAL CON MATERIAIS DE REFUGALLO

Esta fin de semana as familias andiveron moi liadas por culpa das profes, xa que lles pediron un adorno de Nadal para lucir na árbore da escola. Este ano tócalles aos peques de Reboreda decoralo e facer a postal para enviar a todo o mundo para felicitar as festas.

Para facer o adorno deberían deixar voar a súa imaxinación e……… vaia si o fixeron!!!!! Como sempre nos deixan coa boca aberta, son todos uns artistas das manualidades!!!

Sheyla ata nos fixo un enorme agasallo moi divertido que xa estrenamos, queredes xogar con nós, pois atentos a este vídeo e buscade con moita atención o voso Papá Noel favorito.

FACEMOS PINGAROTAS PARA OS CORREDORES

Estes días estivemos picando ollos, mans e pés pero non sabiamos para que eran. Despois chegaron uns debuxos enormes de Pingarota e todo comezou a ter sentido. Deunos un pouco de traballo pero deixamos os corredores preciosos.

Antes de nada teño que recoñecer que teño un lío coas Pingarotas e as Pingotas que non me dou. Estas últimas son as do CRA de Teo pero eu non paro de conviarlle o nome as nosas, así que preparei un fondo para subir as fotos, colgueino na rede e acabo de darme conta que aparece escrito Pingotas. En fin, a profe Rosa non para de berrarme pola confusión e ten toda a razón. Perdoade peques, a profe ten unha cabeza que non funciona nada ben.

Os exploradores, xunto cos waters e sínefos, tamén estiveron traballando arreo estes días para rematar con éxito as nosas “pingarotas”, tivemos que facer bólas de papel de periódico, picar mans e pés, pintar as bocas e ollos e por último encher as enormes pingas das bólas do principio. Así foi todo o proceso de elaboración.

OS COPÉRNICOS VOLTAN POLO NADAL

PEDINDO O AGUINALDO CHEGARON Á CLASE DOS EXPLORADORES OS ANTIGOS COPÉRNICOS, QUE AGORA XA ESTÁN EN PRIMEIRO, ESTABAN MOI CONTENTOS DE VOLTAR A SÚA ANTIGA CLASE, OBSERVABAN CON ATENCIÓN TODOS OS CAMBIOS DE DECORACIÓN, OS NOVOS XOGUETES, OS NOVOS COMPAÑEIROS,..., TAMÉN ESTABAN MOI EMOCIONADOS PORQUE ENTRE OS EXPLORADORES ESTABAN OS SEUS IRMÁNS E IRMÁS, COMO NO CASO DE BRAIS G. QUE NON PERDÍA DE VISTA A SHEYLA, OU JUAN G. QUE OBSERVABA CON ILUSIÓN A VANESA, TATIANA TAMÉN BUSCABA E BUSCABA PERO... NON ATOPABA A IVÁN, XA QUE ESES DÍAS O SEU IRMÁN ESTABA ENFERMO E NON VIÑERA A CLASE.

A HORA DA DESPEDIDA PROLONGOUSE UN POUQUIÑO PORQUE NINGUÉN QUERÍA MARCHAR, QUERÍAN CONTARNOS TANTAS COUSAS QUE XA NON SABÍAN POR ONDE EMPEZAR PERO... TIVERON QUE SEGUIR O SEU CAMIÑO PORQUE DEBÍAN IR PEDIR O AGUINALDO POR OUTRAS CLASES.

UN BICO MOI GRANDE AOS COPÉRNICOS!!!!!! GRAZAS POLA SÚA VISITA E... SEMPRE TERÁN UN OCO NA CLASE DOS EXPLORADORES.

UNHA SORPRESA REAL

O ÚLTIMO DÍA DE CLASE, MENTRAS ESTABAMOS FACENDO A ASEMBLEA E FALANDO DAS COUSAS QUE ÍAMOS FACER DURANTE O NADAL, UN FORTE GOLPE NA PORTA SOBRESALTOUNOS, QUEN SERÍA???

Os exploradores tamén piden o aguinaldo

LEVAMOS SEMANAS ENSAIANDO O NOSO AGUINALDO COA PROFE ISABEL, É UN CANTO BRASILEIRO, UN CANTO DE NINAR, É DICIR, UNHA NANA.

CADA UN DOS EXPLORADORES TEN QUE TOCAR UN INSTRUMENTO MOI PARTICULAR CUNS TIMBRES MOI ESPECIAIS AO TEMPO QUE VAN CANTANDO SUAVEMENTE PARA DURMIR A "MEU AMOR".

PRESTADE ATENCIÓN E MIRADE COMO FOI TODA A NOSA PREPARACIÓN.

AGUINALDOS EN REBOREDA

ESTE VENRES A PROFE ISABEL COMEZOU A PEDIR O AGUINALDO POLAS CLASES COS DIFERENTES CURSOS DO COLEXIO.

OS EXPLORADORES MOI ATENTOS ESCOITABAN CADA UN DOS CANTOS, XA QUE TODOS ERAN MOI DIFERENTES.

ENSINÁRONNOS CANCIÓNS POPULARES DE DIFERENTES PARTES DO MUNDO, COMO POR EXEMPLO DE: MÉXICO, BRASIL,... E ADEMÁIS EMPREGABAN UNS INSTRUMENTOS MUSICAIS MOI PARTICULARES E ESPECIAIS, CUNS SONIDOS E TIMBRES MOI DIFERENTES AOS QUE NÓS COÑECEMOS.

ESCOITADE CON TANTA ATENCIÓN COMO OS EXPLORADORES!!!

A CHEGADA DO PAXE REAL

ESTA SEMANA OS EXPLORADORES ESTIVERON MOI LIADOS XA QUE VIRÍA O PAXE REAL A RECOLLER AS CARTAS DOS REIS MAGOS, POLO QUE NOS PUXEMOS MANS Á OBRA, RECORTAMOS E PEGAMOS OS NOSO XOGUETES PREFERIDOS E LOGO ESCRIBIMOS O NOSO NOME NO SOBRE. FOI PASANDO A SEMANA E O PAXE REAL NON CHEGABA E OS EXPLORADORES IMPACIENTÁBANSE POR FALAR CON EL, CAL FOI A NOSA SORPRESA CANDO O VENRES A ÚLTIMA HORA, CANDO ESTABAMOS NA CLASE DE PSICOMOTRICIDADE, ALGUÉN CHAMOU Á PORTA DUN XEITO MOI ESTRANO....... ERA..... O PAXE REAL!!!

Un agasallo de Nadal

OS EXPLORADORES ACABAN DE RECIBIR O SEU PRIMEIRO AGASALLO DE NADAL, NON É UN AGASALLO CALQUERA XA QUE LLO ENVÍA "AVÓ OSO".

UN ESTRANO AMIGO QUE NOS ESCRIBE MAILS, CHÁMANOS DE VEZ EN CANDO PARA FACER VIDEOCONFERENCIAS, MÁNDANOS ADIVIÑAS E ESTÁ CONTINUAMENTE ATENTO A TODO O QUE FACEMOS NA ESCOLA, PERO...... TODAVÍA NON LLE VIMOS A CARA, XA QUE É MOI MISTERIOSO.

ONTE O CARTEIRO DEIXÓULLE A LUISA UN PAQUETE MOI GRANDE, QUE TRAÍA UNHA BONITA CARTA DENDE UN LUGAR MOI LONXANO. E ESTA FOI A NOSA REACCIÓN......

Bólas de Nadal

NESTE FIN DE SEMANA TAN LONGO AS FAMILIAS DE REBOREDA ESTIVERON ARGALLANDO COMO DECORAR UNHAS SINXELAS BÓLAS DE NADAL XUNTO COS SEUS PEQUES, EMPREGANDO DIFERENTES MATERIAIS, COMO: ALGODÓNS, PURPURINA, ARROZ, TELAS, PAPEIS DE CORES, PEGATINAS, PINTURAS, ELEMENTOS NATURAIS, MATERIAIS DE REFUGALLO. FOI UN TRABALLO ESPECTACULAR!!!.

ATENTOS, ATENTOS!!! AHÍ VAI UN EXEMPLO DOS TRABALLOS DOS EXPLORADORES XUNTO COAS SÚAS FAMILIAS.