TRABALLO COLABORATIVO NA CLASE DOS EXPLORADORES

Este ano os exploradores están tamén poñendo en práctica iso do traballo colaborativo. Nesta primeira ocasión tentamos facer o calendario por parellas, xa que esta é unha actividade rutinaria que eles coñecen moi ben pero nunca a fixeran sós, sempre coa axuda e supervisión da profe.

O traballo por parellas consistía no seguinte: cada parella debería axudarse mutuamente para conseguir completar a ficha do calendario eles sós. Deberían colocar os seus nomes, a data, o clima dese día, o encargado desa xornada, o número de alumn@s que asistiron á escola esa mañá. Moitos xa non tiñan problemas en completar os ocos da ficha así que deberían tentar axudar ao seu compañeir@ se nalgún momento tiña problemas.

Neste vídeo recollemos a forma de traballar de cada parella, uns tomábanse moi en serio o papel de axudante, outros non querían axuda e outros tiñan certos problemas para porse dacordo coa súa parella para resolver os atrancos. Foi realmente un exercicio moi enriquecedor e altamente educativo. Non perdades detalle de todos os seus comentarios.......

A POSTAL DE NADAL

Este ano tócalle aos peques de Reboreda facer a postal de Nadal para felicitar as festas a tod@s.

Os peques tiñan que facer unha e logo un serio xurado debería elexir de entre todas, a mellor, pero as profes deseñaron un sistema mellor. En cada unha das clases todo o grupo faría en conxunto unha empregando diferentes técnicas e recursos plásticos, é dicir, uns farían o fondo, outros pegarían papeliños de cores, outros bólas de papel, outros estamparían, outros picarían, outros recortarían,… así entre tod@s daríamos forma a nosa postal e logo coa axuda da profe Vero (que é a experta en novas tecnoloxías, jajajajaja) faríamos unha montaxe coas catro postais, e este é o resultado final… Esperamos que vos guste tanto coma a tod@s nós…



E así os exploradores deron forma ás súas bólas de Nadal…

FACEMOS PINGAROTAS PARA OS CORREDORES

Estes días estivemos picando ollos, mans e pés pero non sabiamos para que eran. Despois chegaron uns debuxos enormes de Pingarota e todo comezou a ter sentido. Deunos un pouco de traballo pero deixamos os corredores preciosos.

Antes de nada teño que recoñecer que teño un lío coas Pingarotas e as Pingotas que non me dou. Estas últimas son as do CRA de Teo pero eu non paro de conviarlle o nome as nosas, así que preparei un fondo para subir as fotos, colgueino na rede e acabo de darme conta que aparece escrito Pingotas. En fin, a profe Rosa non para de berrarme pola confusión e ten toda a razón. Perdoade peques, a profe ten unha cabeza que non funciona nada ben.

Os exploradores, xunto cos waters e sínefos, tamén estiveron traballando arreo estes días para rematar con éxito as nosas “pingarotas”, tivemos que facer bólas de papel de periódico, picar mans e pés, pintar as bocas e ollos e por último encher as enormes pingas das bólas do principio. Así foi todo o proceso de elaboración.

QUE PODEMOS FACER CUN ARCO DA VELLA???

Os exploradores andan liados estes días falando do ciclo da auga, de como sube ás nubes, de como baixa en forma de choiva cando se enfría e de como volve a subir cando o sol a quenta de novo. E de tanto subir e baixar descubrimos moitos fenómenos atmosféricos: a choiva, as tormentas, a néboa, a neve,… e tamén unha cousa fermosísima….. o “Arco da vella”.

Así que a profe trouxo a clase unha gran sorpresa, colocou no chan moitísimos arcos de cores e tamaños diferentes e fixo unha proposta: Que podemos facer con todos estes arcos?.

As respostas non se fixeron esperar, pouco a pouco os exploradores ían pensando cousas que podían facer con eles. Ao principio estabamos un pouco estranos con todos aqueles arcos e facíamos cousas sinxelas pero pouco a pouco fomos perdendo o medo e apareceron cousas moi interesantes ata chegar a descubrir o tan ansiado arco da vella.

Tivemos que explorar moito, manipular moito, crear moitas construcións raras ata que…… por fin!!! Unhas verdadeiras exploradoras atoparon a solución de como facer un arco da vella con todos aqueles materiais. Foi unha gozada gravar este vídeo porque cada día cáeseme a baba cos meus exploradores, son xeniais!!!!

Mirade con atención que non ten desperdicio…

TRABALLANDO COAS TICS DE XEITO COOPERATIVO

Os exploradores tamén comezan a animarse a traballar de xeito cooperativo, aínda que comezamos a dar só pequenos pasiños.

Nesta ocasión subimos a aula de informática para asistir a nosa sesión semanal de traballo coas Tics. Tivemos que agruparnos por parellas e traballar cóbado con cóbado coa nosa parella para conseguir facer máis pantallas de actividades dos libros LIM. Primeiro aprendemos a prender o ordenador, a prender a pantalla, a buscar o “e” de internet, a mover o rato para chegar ata onde queríamos clicar. Ás veces parecía moi complicado porque naquela patalla tan pequena aparecían demasidos símbolos que non coñecíamos pero……….. grazas a axuda do noso compañeir@ de aventura fomos capaces de salvar todos os obstáculos.

Cando os pequenos exploradores foron capaces de chegar ao Lim e poñerse a xogar eles sos foi toda unha explosión de ledicia, era marabilloso ver todas aquelas cariñas alucinadas e cheas de ledicia por conseguir acadar un reto tan complicado, xa que era a primeira vez que subían a aula de informática para traballar por parellas eles sos ante un ordenador.

Non perdades detalle que ahí vos deixamos un pequenos retallos da nosa primeira sesión cooperativa e do manexo das tics.