VISITA SEMANAL A BIBLIO DE MARGARIDA

Xa démos comezo as visitas semanais á bibioteca de Margarida. Retrasámonos un pouco porque ata outubro Margarida non tiña preparada a biblioteca, coa nova distribución, cos novos libros,… e logo cada venres nós tiñamos algunha actividade, como: os aniversarios, contacontos, samaín, etc, que retrasaban o noso desembarco na biblio.

Margarida estaba un pouco preocupada porque pensaba que estes grandes letores se esqueceran dela pero non e así, chegaron con moitas gañas de devorar libros cos seus pequenos olliños cheos de ilusións e inquedanzas.

Así foi o noso primeiro día deste curso, con novas rutinas e novas formas de traballar na biblio xa coma todos uns expertos letores. Atentos, atentos…

AGASALLO DE MARGARIDA

Hoxe tivemos unha gran sorpresa. Margarida, a mascota da biblio, trouxonos un paquete. A nosa encargada abriuno e... dentro tiñamos unhas mochilas de tela para poder traer os nosos contos os xoves e venres na hora de ler. Fíxonos moita ilusión e, coma todas as bolsas son iguais, puxémoslles o nome para non confundirnos cando traiamos os nosos contos. Tamén é unha maneira de animarnos para traer os contos porque custaunos un pouquiño, ás veces esquecémosnos, temos medo a que nolos rompan, non nos apetece compartilos... Como Margarida sabía destas inquedanzas fixo facernos este agasallo para animarnos a participar máis activamente no Plan de Lectura Silenciosa. Agora so falta facer un bo uso delas.

PRIMEIRO DÍA DA LECTURA SILENCIOSA

Hoxe deron comezo os 20 minutos de lectura silenciosa en todo o centro. Os exploradores levaban días preguntando cando chegaría a hora de ler, botaban en falta eses minutiños de lectura silenciosa, onde poden deixar voar a súa imaxinación con só ler ou observar os seus contos ou os contos de Margarida (a mascota da biblioteca do centro).

É sorprendente ver como os peques de Reboreda rapidamente aceptan as normas do momento de ler e nun par de minutos son capaces de estar tanto tempo caladiños. Hoxe aínda estaban un pouco desentrenados, despois do longo verán, pero mirade que ben o fixeron.

ÚLTIMO DÍA DA LECTURA SILENCIOSA

Vai comezar o mes de xuño e Margarida, a mascota de biblio, ten que organizar todos os libros, colocalos, reparar os estropeados... Así que un ano máis rematamos o servizo de préstamo para casa e, tamén, o programa de lectura silenciosa.
Para rematar o venres subimos ao patio dos maiores e limos ao sol.
Foi xenial ver como os nen@s, de xeito natural íanse colocando tumbados na herba e disfrutaban pasando as follas dos libros, compartindo imaxes e lendo ao seu xeito.
Unha vez máis, os nosos peques portáronse xenial e entenderon a perfección que tiñamso que estar en silencio igual que na clase.
NORABOA A PROFE AMPARO POR ESTA PROPOSTA TAN FERMOSA.

Papá e mamá tamén len

HOXE TIVEMOS UNHA LECTURA SILENCIOSA MOI PARTICULAR, ACOMPAÑÁRONNOS ALGÚNS DOS PAPIS E MAMIS DOS EXPLORADORES.

ESTES DÍAS AS FAMILIAS SEGUEN AXUDÁNDONOS COS DISFRACES DO ENTROIDO E COMO CHEGARON NA HORA DE LER TAMÉN TIVERON QUE SACAR O SEU LIBRO E DURANTE 20 MINUTOS LER EN SILENCIO SEN MOLESTAR A NINGUÉN COMO FAN TODOS OS NENOS E NENAS DA ESCOLA.

FOI UN MOMENTO ÚNICO TODOS LENDO CON MOITA ATENCIÓN O SEU LIBRO FAVORITO.

AS FAMILIAS ESTABAN ABRAIADAS AO VER AOS PEKES TAN CONCENTRADOS NUNHA TAREFA TAN DIFÍCIL, COMO É PARA ELES ESTAR TANTOS MINUTOS SEN FALAR. CADA DÍA QUE PASA SÍNTOME MÁIS ORGULLOSA DELES, SON XENIAIS!!!