Hoxe tivemos unha gran sorpresa. Margarida, a mascota da biblio, trouxonos un paquete. A nosa encargada abriuno e... dentro tiñamos unhas mochilas de tela para poder traer os nosos contos os xoves e venres na hora de ler. Fíxonos moita ilusión e, coma todas as bolsas son iguais, puxémoslles o nome para non confundirnos cando traiamos os nosos contos. Tamén é unha maneira de animarnos para traer os contos porque custaunos un pouquiño, ás veces esquecémosnos, temos medo a que nolos rompan, non nos apetece compartilos... Como Margarida sabía destas inquedanzas fixo facernos este agasallo para animarnos a participar máis activamente no Plan de Lectura Silenciosa. Agora so falta facer un bo uso delas.
No hay comentarios:
Publicar un comentario