UN ANO CHEO DE MAXIA NA CLASE DOS EXPLORADORES

Como case sen darnos conta o curso 2009-2010 xa chegou ao seu fin. Aínda recordo con morriña aqueles primeiros días nos que houbo risas e algúns choros por ter que chegar a un lugar descoñecido, sen estar preto de papi e de mami, pero case como por arte de maxia os meus pequenos exploradores foron medrando a pasos axigantados. Xuntos descubrimos moitas cousas da China, coma por exemplo que alí para relaxarse faise taichí, que teñen uns templos e construccións chamadas pagodas, que a lenda conta que xa fai moitos anos na China existían 4 dragóns bos que axudaban aos campesinos chineses, que os osos panda comen bambú e por culpa da man do home agora están en perigo de extinción,...

Tamén celebramos por primeira vez en Reboreda moitas das celebracións da escola, como: O magosto, o samaín, o Nadal, o día da paz, o entroido, a semana das letras galegas, o día do libro.

E mes a mes fomos medrando e celebrando os nosos aniversarios nun divertido taller de cociña, onde dábamoslle forma as sorprendentes e sinxelas receitas que elaborabamos con iogur, natillas, froita, chocolate, nata, etc. Así foi como durante estes meses fomos cambiando e como fomos deixando a nosa pegada na escola de Reboreda.

Moitos bicos exploradores!!! Grazas por ensinarme cada día tantas cousas lindas e cousas tan importantes coma o significado dun sorriso de orella a orella, dun bico de chocolate, ou dun deses abrazos múltiples que me quitaban o aire. Grazas e mil grazas pola vosa inocencia!!! Bo verán!!!

Ahí vai un pequeno agasallo dalgúns deses momentos...

FESTA DA AUGA

Hoxe celebramos unha festa moi especial, trouxo os traxes da baño e FESTA DA AUGA.
Foi xenial, tivemos que poñer a roupa de baño e as zapatillas e ao patio. Unha vez alí, María José, a mamá de David dos Vincis deixounos un chafarís para conectar a mangueira, tamén puxemos un tendal cheo de globos de auga e, aínda que somos pacifistas tiñamos pistolas de auga. O obxectivo: mollarse para contrarrestar o calor. Fai varios anos que queriamos facer esta festa pero o clima non nos acompañaba, nembargantes, este ano todo foi xenial.
Os nen@s pasáronno de vicio e os mestres igual ou aínda mellor que os nen@s.
De vez en cando está xenial romper as barreiras da escola e facer pequenas falcatruadas que nos unen, achégannos e fannos disfrutar a todo.
BO VERÁN A TODOS.
POR CERTO HAI POUCOS FOTOS PORQUE ESTIVEMOS MOLLÁNDONOS, QUE É DO QUE SE TRATABA.

OS ÚLTIMOS ANIVERSARIOS DOS EXPLORADORES

O último día do curso, para rematar, tivemos os aniversarios de xullo e agosto. Na clase dos exploradores tivemos 7 cumpleañeiros: Antía, Carla, Iván, Lucía C.C., Lois, Uxía e Antón.

E, como era a última festa do ano, celebrámola dun xeito moi especial. Nesta ocasión poidemos probar diferentes lambetadas (todo aquilo que lles gusta aos máis pekes da casa e aos non tan pekes), como: patatiñas, gusanitos, gominolas, refrescos, etc. e logo, ao rematar poidemos xogar no patio xa que nesta ocasión celebrámola ao aire libre. Mentras uns xogaban outros seguían degustando tan ricos manxares.

"LUME" DO GRUPO DE TEATRO BABALUVA

Nun bosque onde vivían moitos animais algo pasou que fixo ladrar ao can... Unha lapa chegou con ganas de facer lume e fume. O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e o esquío. E así foi como axudándose uns aos outros prepararon un plan para apagar o lume.

Nesta proposta innovadora de teatro de obxectos, dúas titiriteiras recrean un bosque e os seus animais para contar esta historia de sensibilización medioambiental dirixida a nen@s de 2 a 8 anos, utilizando unha técnica mixta de contacontos e títeres de mesa.

Escoitade con atención todos os comentarios dos nosos peques que podemos descubrir observando e escoitando este vídeo.

A BANDA INFANTIL DE REDONDELA

O luns, tivemos a oportunidade de asistir a un gran concerto da banda infantil dos peques de Redondela, contáronnos unha historia moi especial, de fadas, meigas e moitos, moitos instrumentos.

Os nosos pequenos estaban tan abraiados que nin sequera pestenexaban. Poidemos escoitar anaquiños de melodías demúsica clásica, dos debuxos animados, como a Pantera Rosa, Os Simpsons,... A pena foi que cando comezaba o máis interesante a cámara da profe deixou de traballar porque xa tiña a memoria chea con tanta información, pero...... aínda así mereceu a pena grabar este anaquiño....

UNHA SAÍDA SEN IGUAL, INDIANA BILL

A última saída do curso é a máis esperada de todo o ano, xa que xogar en Indiana Bill non ten comparación.

Os pequenos exploradores non tiñan nin idea do que alí se ían atopar, ao principio xa quedaron asombrados coa cabeza do dinosaurio e logo cando chegamos ás piscinas de bólas entraron nas máis sinxelas con colchonetas, balancíns e pequenos tobogáns, nin se deran conta de que había moitos máis lugares onde xogar, trepar, balancearse, facer equilibrios,... pero unha vez que os descubriron xa non querían saír nin para merendar. Xogaron tanto, tanto, taaaanto, que algúns deles sudaban moitísimo e semellaban que acababan de saír da ducha.

Se aos exploradores queredes ver gozar, neste vídeo teredes que pinchar.........

AGASALLOS ASTURIANOS

Os nenos e nenas do cole de Villapendi (Asturias) fixéronnos uns agasallos moi doces e especiais, unhas piruletas de cores para lucir nas nosas chaquetas.

As súas profes, Tere e Susana, foron as encargadas de entregarllas a todos os peques, xa que estes días estiveron polo cole visitando as nosas instalacións e poñendo o remate final a un longo traballo de dous anos do proxecto "agrupacións escolares" en colaboración tamén con León e Tarragona.

Así de chulos e contentos lucimos as nosas piruletas asturianas...

O AGASALLO DA ONG "MENIÑOS"

Este curso estivemos a colaborar coa ONG "Meniños", nun proxecto chamado facendo familias, cos que deseñamos unha serie de actividades a desenvolver cóbado con cóbado coas familias. E como remate final, hoxe chegounos ao cole un pequeno agasallo coa súa mascota, unha nena chamada Milu.

Milu ten un montón de xogos interactivos na súa páxina: www.mundodemilu.org cos que podemos xogar e se queredes saber máis cousas desta ONG podedes entrar na súa páxina: www.meninos.org

Dentro de pouco participaremos con eles coa nosa presentación de traballos que logo publicarán nunha revista especial.

Así é Milu.....

TEMOS UNHA PENLA NO COLE DE REBOREDA

Paula, dos exploradores, leva días contándonos que ia bailar na festa da Coca, practicando e ensinándonos os seus movementos.

A profe Rosa anda toda enleada estudiando para os exames de italiano da escola de idiomas e como non podía vir a Redondela pediume que gravase a nosa penliña para vela e compartir con todos vos o ben que o fai. A gravación está un pouco lonxe porque xa sabedes que hoxe é un día con moita xente pero podedes apreciar o xeito que lle da Paula, o ben que se move e a alegría contaxíosa que desprende.

MOI BEN PAULA.

UN CROISANT XIGANTE

Hoxe a profe Ángeles para celebrar o seu aniversario connosco trouxonos un croisant xigante que fan nunha panadaría de Porriño. Démonos un banquete porque estaba boísimo
MOITÍSIMAS GRAZAS PROFE ÁNGELES.

É A HORA DOS RECUNCHOS

Ao longo do curso, durante a xornada de cada día tíñamos un tempo adicado ao xogo nos recunchos. Era o momento do día máis esperado polos exploradores. Moi pronto todos comprenderon as regras do xogo, durante a semana iríamos pasando por cada un dos recunchos, sen repetir ningún, así cambiabamos de actividade e de compañeiros de xogo. Un día íamos ao do arte, outro día disfrazabamonos no da perruquería, outro día adicabamonos a facer construccións ou a xogar na casiña. Unha vez escollido o recuncho non podíamos cambiar de actividade e compartíamos cos nosos compañeiros miles e novas aventuras. Ao principio costounos un pouquiño aceptar as normas pero agora.... facémolo moi ben. Mirade, mirade!!!

ANIVERSARIOS DE MAIO E XUÑO

Como xa se achegan as vacacións e aínda temos tantos cumpleañeiros sen celebrar o seu aniversario, esta vez celebramos os aniversarios de maio e xuño todos xuntos. Alba, Lucía C.A., Paula e Vanesa cumplían 4 anos; Rosi, David, Lucas C., e Lucía cumplían 5 anos e por último, Ignacio e Mar, cumplían 6 anos.

Nesta ocasión tivemos que preparar amorodos con iogur e galletas ao rematar. Os chamáns, como son os maiores eran os encargados de cortar os amorodos en cachiños moi pequeniños, e os vincis, os sínefos e os exploradores eran os encargados de botar os iogures nos recipientes, logo misturalos ben co azucre e ao final engadirlle os amorodos picados. Algúns non podían evitar a tentación de probar aquela mistura tan deliciosa e en máis dunha ocasión metían o dedo para probar un chisquiño daquela merenda tan sabrosa, jajajaja. Non quedou nin gota!!!

ÚLTIMO DÍA DA LECTURA SILENCIOSA

Vai comezar o mes de xuño e Margarida, a mascota de biblio, ten que organizar todos os libros, colocalos, reparar os estropeados... Así que un ano máis rematamos o servizo de préstamo para casa e, tamén, o programa de lectura silenciosa.
Para rematar o venres subimos ao patio dos maiores e limos ao sol.
Foi xenial ver como os nen@s, de xeito natural íanse colocando tumbados na herba e disfrutaban pasando as follas dos libros, compartindo imaxes e lendo ao seu xeito.
Unha vez máis, os nosos peques portáronse xenial e entenderon a perfección que tiñamso que estar en silencio igual que na clase.
NORABOA A PROFE AMPARO POR ESTA PROPOSTA TAN FERMOSA.