UNS DEBUXOS MOI EXPLORADORES PARA O CONCURSO DE ECOMETTA

Os exploradores estiveron investigando un pouquiño o tempo e o ciclo da auga e quixeron amosarvos a tod@s nos seus debuxos todo o que sabían dos cmbios atmosféricos e de como iso influía sobre os estados da auga.

A gran maioría quixeron facer fermosas nevadas, xa que se achegaba o Nadal e eses días facía moitísimo frío. E claro, como para nós as nevadas son un acontecemento tan especial, algo moi similar a unha festa, quixemos darlle un toque de cor ás folerpas de neve para que semellase que caía confetti. Outros, en cambio, estaban abraidados pola maxia do arco da vella, de como se forma tras xuntar un raio de sol e unha pinga de auga nun serán de primavera. Outros tentaron representar as tormentas e chaparróns sobre as montañas.

Tamén en todas as nosas representacións tentamos amosar algún elemento da auga, como río, mares, lagos, neve, choiva,… e algúns elementos que axudasen a coidar o medio ambiente.

Este ano quedáronnos unhas verdadeiras obras de arte, nótase que agora xa temos 4 anos!!!! Así foron os nosos resultados…

O AGASALLO DA ONG "MENIÑOS"

Este curso estivemos a colaborar coa ONG "Meniños", nun proxecto chamado facendo familias, cos que deseñamos unha serie de actividades a desenvolver cóbado con cóbado coas familias. E como remate final, hoxe chegounos ao cole un pequeno agasallo coa súa mascota, unha nena chamada Milu.

Milu ten un montón de xogos interactivos na súa páxina: www.mundodemilu.org cos que podemos xogar e se queredes saber máis cousas desta ONG podedes entrar na súa páxina: www.meninos.org

Dentro de pouco participaremos con eles coa nosa presentación de traballos que logo publicarán nunha revista especial.

Así é Milu.....

Explorando o tempo

Os exploradores tamén queren participar no concurso de ECOMETTA, por iso prepararon esta reportaxe audiovisual con todos os seus traballos.

Investigando e explorando os cambios atmosféricos descubrimos que durante o ano e as cuatro estacións temos fenómenos moi interesantes, como: sol e calor, chuvia, neve e frío, nubes, tormenta, néboa, o arco da vella,... E así foi a súa interpretación.

Na clase de música coa profe Isabel tentamos representar os movementos do vento, escoitando atentamente a súa melodía cando sopra. Ás veces é lento, outras rápido e outras moi rápido, ás veces sube e baixa, e outras revolotea como unha bolboreta.