UNHA SAÍDA SEN IGUAL, INDIANA BILL

A última saída do curso é a máis esperada de todo o ano, xa que xogar en Indiana Bill non ten comparación.

Os pequenos exploradores non tiñan nin idea do que alí se ían atopar, ao principio xa quedaron asombrados coa cabeza do dinosaurio e logo cando chegamos ás piscinas de bólas entraron nas máis sinxelas con colchonetas, balancíns e pequenos tobogáns, nin se deran conta de que había moitos máis lugares onde xogar, trepar, balancearse, facer equilibrios,... pero unha vez que os descubriron xa non querían saír nin para merendar. Xogaron tanto, tanto, taaaanto, que algúns deles sudaban moitísimo e semellaban que acababan de saír da ducha.

Se aos exploradores queredes ver gozar, neste vídeo teredes que pinchar.........

CANCIÓN: BOLOCO

Aos exploradores lles encanta a música e gozan co baile, así que de vez en cando facemos na clase unha pequena sesión de psicomotricidade moi especial empregando a música e a expresión corporal. Coa canción de Boloco, falamos do círculo, das partes do corpo e de diferentes maneiras de moverse, como por exemplo: movernos a rolos. Foi moi divertido desplazarse pola clase dese xeito, tentando non molestar ao resto dos compañeiros e buscando a maneira de moverse así para ir dun lugar a outro. Shhhhh, silencio!!! comeza o baile!!!