MACEDONIA CON CHOCOLATE

COMA TODOS OS MESES, ESTE VENRES, CELEBRAMOS OS ANIVERSARIOS DE MARZO.

KEVIN XA TEN 4 ANOS, GEMA, LUCAS G. E IVÁN XA TEÑEN 5 ANOS, E CHRISTOPHER E PEDRO XA TEÑEN 6 ANOS. QUE RÁPIDO MEDRAN OS PEQUES DE REBOREDA.

COMO XA CHEGOU A PRIMAVERA, A RECEITA DE HOXE FOI: MACEDONIA DE FROITAS CON CHOCOLATE.

CANTOS AMIGOS TEÑO!!!

OS EXPLORADORES ANTES DE IR DE VACACIÓNS ESTIVERON PENSANDO NO IMPORTANTE QUE ERA TER AMIGOS, XA QUE CON ELES PODEMOS XOGAR, PODEMOS QUERER, PODEMOS ESTAR ACOMPAÑADOS, PODEMOS PEDIRLLE AXUDA.

ASÍ QUE CADA UN PENSOU EN TODOS OS AMIGOS QUE TIÑA, E PENSANDO PENSANDO CHEGAMOS A CONCLUSIÓN DE QUE NON TEMOS SÓ AMIGOS NA CLASE, TEMOS AMIGOS NA ESCOLA (NA CLASE DOS SÍNEFOS, DOS VINCIS E DOS CHAMÁNS), TEMOS AMIGOS NO PARQUE, NO BARRIO,... ATA TEMOS AMIGOS MOI DIFERENTES A NÓS, COMO POR EXEMPLO: A NOSA MASCOTA (QUE A MAIORÍA DAS VECES É UN CAN), A NOSA PROFE, O OSO AVÓ, O NOSO TÍO,...

E PARA REMATAR, COLLEMOS UN LAPIS E UN PAPEL E COMEZAMOS A DEBUXARNOS A NÓS E AOS NOSO AMIGOS.

CAL FOI A NOSA SORPRESA???

QUE XA SABÍAMOS DEBUXAR AOS NOSOS AMIGOS SEN CASE ESQUECER NADA, PUXÉMOSLLE A CABEZA, OS BRAZOS, AS PERNAS, OS OLLOS, A BOCA, AS ORELLAS,... QUEDARON UNS MONIGOTES A MAR DE CHULOS. ERAN OS NOSOS PRIMEIROS MONIGOTES, E COMO QUEDARON TAN LINDOS, FIXÉMOSLLES UNHAS FOTOS PARA ENSINÁRVOLOS, ANTES DE DARLLE COR, PORQUE ÁS VECES CANDO COLOREAMOS EMOCIONÁMONOS TANTO QUE LOGO NON PODEDES VER O QUE HAI DEBAIXO DE TANTA COR.

OS NOSOS DRAGÓNS CHINOS

OS EXPLORADORES, AO IGUAL COS VINCIS, LEVABAN SEMANAS ELABORANDO OS SEUS DRAGÓNS. EMPREGARON MATERIAIS DE REFUGALLO E DIFERENTES TÉCNICAS PLÁSTICAS, COMO POR EXEMPLO: PINTARON CON PINCEL E TÉMPERAS, ESTAMPARON CON ESPONXAS PARA FACER AS MANCHAS DA PEL DO DRAGÓN, PICARON A LINGUA E OS OLLOS, E AO FINAL PEGÁRONLLE AS CRESTAS SOBRE A CABEZA. DABA MEDO VELOS!!!!

DESPOIS DA PASCUA REALIZARÁN ENTRE TODOS UN ENORME DRAGÓN PARA DECORAR O NOSO CORREDOR, COMO XA FIXERON OS VINCIS, PERO....... É QUE NOS SOMOS TODAVÍA UNS NOVATOS NESTES MENESTERES.

ASÍ FOI TODO O PROCESO DE ELABORACIÓN...

XOGAMOS CON XANDRE NA PDI

O OUTRO DÍA CONTAMOS UN CONTO MOI ESPECIAL, O CONTO CHAMÁBASE: "XANDRE, O ELEFANTE SEN SOMBRA".

É UN CONTO ESPECIAL PORQUE É UN CONTO PARA TODOS OS NENOS E NENAS: ALTOS, BAIXOS, GRANDES, PEQUENOS, CON PROBLEMAS VISUAIS,... E QUE SE PODE LER DE MOITOS XEITOS, COA LINGUAXE DE SINAIS, COS PICTOGRAMAS, CON LETRAS, ETC.

ADEMÁIS, XUNTO CO PROFE MIGUEL, FIXÉMOSLLE A XANDRE A SÚA CANCIÓN E AGORA NON PARAMOS DE CANTALA NIN UN SO SEGUNDO. A QUE SI, LUCAS????

PERO HOXE FIXEMOS ALGO MÁIS, SUBIMOS AO AULA DE INFORMÁTICA E COLOCÁMOSNOS DIANTE DA PDI, UNHA PANTALLA MOI ESPECIAL, NA QUE PODEMOS PINTAR E FACER MOITÍSIMAS COUSAS CON TAN SO MOVER UN DEDO. XANDRE COMO SABÍA QUE ESTABAMOS VIAXANDO POLA CHINA REGALOUNOS UNS XOGOS DE SOMBRAS, COMO AS SOMBRAS DO SEU CONTO. E FOI MOI DIVERTIDO...... XOGAR ASÍ!!

O PATIO DOS PEQUES DE REBOREDA

OS EXPLORADORES LEVABAN MESES PEDINDO VOLTAR A XOGAR NO SEU PATIO, PERO TIÑAMOS QUE ESPERAR A QUE ESTE INVERNO TAN LONGO CHEGASE AO SEU FIN E DEIXASE ENTRAR Á ESPERADA PRIMAVERA. ASÍ QUESTES DÍAS....... DESPOIS DUNHA ESPERA TAN LONGA XA POIDEMOS GOZAR DO NOSO PEQUENO RECUNCHO NO QUE TAN BOS RATOS SOEMOS PASAR.

MIRADE CANTAS COUSAS TEMOS E CANTOS XOGOS FACEMOS!!!

O XIGANTE EGOÍSTA, POR PATRI E DELIO

O XOVES CHEGARON Á CLASE DOS EXPLORADORES UNS NOVOS CONTADORES DE HISTORIAS DE 5º CURSO, ESTA VEZ ERA UNHA VISITA MOI ESPECIAL PORQUE UN DELES ERA PATRI, A IRMÁ DE DAVID E XUNTO A ELA ESTABA DELIO.

ASÍ COMEZOU A SÚA HISTORIA, "O XIGANTE EGOISTA"



E COMO REMATE FINAL NÓS REGALÁMOSLLES A NOSA CANCIÓN DAS CARAS: "CANDO FERNANDO VII"

CONTO AFRICANO CON ANA E IVÁN

A SEMANA PASADA OS COMPAÑEIR@S DE 5º CURSO VIÑERON A CLASE DOS EXPLORADORES A CONTAR UNHA BONITA E POPULAR HISTORIA AFRICANA. LEVABAN VARIOS DÍAS PREPARANDO ESTA SESIÓN DE CONTACONTOS COS MÁIS PEQUENOS DA ESCOLA, ESTABAN NERVIOSOS PORQUE SABÍAN QUE OS EXPLORADORES ERAN TODOS UNS EXPERTOS CONTADORES DE HISTORIAS E NON QUERÍAN FACELO MAL. QUEDARON REALMENTE SORPRENDIDOS PORQUE TIVERON UN PÚBLICO EXCEPCIONAL, MOI CALADIÑOS ESCOITARON CON ATENCIÓN A FERMOSA HISTORIA.

E COMO REMATE FINAL A ESTA SINGULAR SESIÓN DE CONTOS OS EXPLORADORES QUIXERON REGALARLLES UNHA CANCIÓN MOI ESPECIAL PARA ELES, PERO... LEVABA UNHA CONDICIÓN... TODOS DEBERÍAN BAILAR!!!!!

HUGO E DAVID, CONTACONTOS POR UN DÍA

COMA TODOS OS LUNS, TIVEMOS A SORTE DE CONTAR CUNS CONTACONTOS EXTRAORDINARIOS, ERA A SÚA PRIMEIRA VEZ E NON O FIXERON NADA MAL.

HUGO CONTOUNOS UN CONTO CHAMADO, "EL ÚLTIMO DÍA DEL INVIERNO", E DAVID CONTOUNOS UN CHAMADO, "RA E RATA".

SEMELLABAN TODOS UNS PROFESIONAIS, COMENTANDO AS PÁXINAS E ENSINANDO A TOD@S AS SÚAS ILUSTRACIÓNS.

CON ELES SEMALLA TODO MÁIS DOADO. FIXÁDEVOS BEN!!!

A COMETA DE LUCÍA E IGNACIO

XA FAI UNS DÍAS FALANDO COS EXPLORADORES DA CHEGADA DA PRIMAVERA, FALAMOS TAMÉN DUN COSTUME MOI ARRAIGADO NA CHINA CANDO CHEGA ESTA ESTACIÓN. SAÍR AO CAMPO A FACER VOAR AS COMETAS.

LUCÍA C. C. COMENTOUNOS QUE O SEU IRMÁ, IGNACIO, TIÑA UNHA E QUE PODERÍA TRAELA Á ESCOLA PARA VER COMO ERA. ASÍ QUE FALAMOS CON IGNACIO, ACEPTOU E DEIXÓUNOLA UN RATIÑO.

POIDEMOS VER COMO ESTABA FEITA, E SEMELLABA MOI DOADO FACER UNHA, CON DOUS PAUCIÑOS DE TAMAÑOS DIFERENTES FORMANDO UNHA CRUZ, UN ANACO DE TEA E UNHA LONGA CORDA PARA NON DEIXALA ESCAPAR. TAMÉN SEMELLA DOADO FACELA VOAR PERO... COMO NON HABÍA NADA DE VENTO TIVEMOS QUE CORRER E CORRER PARA QUE A COMETA BAILASE POLO CEO DO PATIO DOS MAIORES.

MIRADE COMO CORRERON TENTANDO ATRAPALA, ATA OS PROFES GOZARON COMA CATIVOS!!!

A LUPA UN GRAN INVENTO

HOXE OS EXPLORADORES XOGAMOS E EXPLORAMOS CUN GRAN INVENTO, AS LUPAS!!!

DESCUBRIMOS PARA QUE SERVÍAN, UNS DICÍAN QUE PARA MIRAR, OUTROS PARA MIRAR COUSAS GRANDES,... E DESPOIS DE PENSAR E PENSAR ATOPAMOS A SOLUCIÓN... AS LUPAS SERVEN PARA OBSERVAR COUSAS MOI PEQUENAS, PORQUE O SEU CRISTAL FAI QUE POIDAMOS MIRAR TODO DUN TAMAÑO MAIOR.

ASÍ QUE... EXPLORAMOS TODO O QUE ESTABA O NOSO ARREDOR, O CHAN DA CLASE, AS NOSAS MANS, A BOCA, AS ORELLAS, O PELO, OS OLLOS, OS BOTÓNS,... PARECÍA COMO POR ARTE DE MAXIA QUE TODO AUMENTABA DE TAMAÑO. FOI MOI DIVERTIDO OBSERVAR A NOSA PEL, DESCUBRIMOS QUE TIÑAMOS PELIÑOS, PUNTIÑOS MOI PEQUENOS QUE SE CHAMAN POROS E POR ONDE RESPIRA A NOSA PEL, NOS OLLOS DESCUBRIMOS COMO A NOSA PUPILA ABRE E CERRA , QUE TEN CORES E DEBUXOS DIFERENTES.

AHÍ TEDES UN EXEMPLO DA NOSA INVESTIGACIÓN!!!

E DESPOIS OBSERVAMOS COMO ÍAN MEDRANDO AS NOSAS SEMENTES. FOI INCREÍBLE DESPOIS DE OBSERVAR CON ATENCIÓN DESCUBRIMOS MOI AGOCHADIÑAS AS NOSAS PRIMEIRAS PLANTAS, XA NON ERAN SEMENTES!!!!

ESTABAMOS MOI EMOCIONADOS PORQUE TAN SÓ CON UNS CANTOS DÍAS AS NOSAS SEMENTES COMEZARON A MEDRAR E MEDRAR E COMO TIÑAN MOITA SEDE TIVEMOS QUE DARLLES DE BEBER UN POUQUIÑO PERO VOLTAMOS RÁPIDAMENTE A POLAS PRETO DA VENTÁ PARA QUE O CALOR DO SOL POIDA AXUDALAS UN POUQUIÑO MÁIS.

UNS DELICIOSOS DOCES ASTURIANOS

OS EXPLORADORES, OS SÍNEFOS E OS VINCIS O OUTRO DÍA REUNÍRONSE PARA ABRIR UNS AGASALLOS MOI ESPECIAIS QUE NOS MANDARON CON MOITO CARIÑO OS NENOS E NENAS ASTURIANOS DO COLEXIO DE VILLAPENDI, XA QUE PARTICIPAN CON NÓS NO PROXECTO DE AGRUACIÓNS ESCOLARES.

NESTA OCASIÓN OS PATITOS QUERÍAN QUE DEGUSTÁSEMOS NOVOS DOCES DA SÚA TERRA, COMO SON OS "BORRACHITOS" E TAMÉN UNHAS GALLETAS HÚNGARAS QUE LLES ENSINOU A FACER A PROFE ANNA QUE CHEGOU Á SÚA ESCOLA DENDE HUNGRÍA FAI UNS MESES.

É UN VÍDEO MOI LONGO E NON FOMOS CAPACES DE REDUCILO MÁIS, DEBIDO A QUE NON PODÍAMOS DEIXAR DE ENSINARVOS AS CARAS DE ILUSIÓN DESTE GRANDES AVENTUREIROS.