saída ao parque de bombeiros

Hoxe (1 de Xuño) os nenos/as do CRA de Vilaboa visitamos o parque de bombeiros de Pontevedra, pasámolo moi ben

Subimos no camión , apagamos o lume coas mangueiras e para rematar démonos un baño de espuma, que a verdade co calor que facía hoxe ata se agradeceu

POR QUE FLOTAN OS BARCOS?

ONTE VIU A CLASE DOS COPÉRNICOS DE REBOREDA VIU A MAMÁ DE ANA E FÍXONOS UN BARCO DE PLASTI, E SABEDES?... PODE FLOTAR!!!!

AO PRINCIPIO ERA UN POUCO COMPLICADO PORQUE TEMOS QUE FACER UN BARCO CON MOITA PRECISIÓN, XA QUE ANA DÍXONOS QUE TEN QUE ESTAR TODO O PESO EQUILIBRADO PARA QUE NON AFUNDA. ENTÓN COMEZAMOS A PENSAR QUE TIPOS DE BARCOS PODERÍAMOS FACER UTILIZANDO DIFERENTES MATERIAIS, COMO CORTIZA, PORESPÁN, PAPEL, METAL,..., E COMEZAMOS XOGAR CON ELES NA AUGA PARA COMPROBAR SE FLOTABAN OU NON.

A PROFE SUSANA DEIXÓUNOS UN BARCO METÁLICO MOI ESPECIAL QUE FLOTABA MOI BEN, PERO... CANDO E ENCHÍAMOS DE COUSAS ÁS VECES PERDÍA O EQUILIBRIO E AFUNDÍASE RÁPIDAMENTE, ANA EXPLICÓUNOS QUE ISO OCURRÍA PORQUE A CARGA NON ESTABA BEN EQUILIBRADA, AS COUSAS MÁIS PESADAS ESTABAN TODAS NO MESMO LADO E FACÍAN QUE O BARCO SE INCLANASE MÁIS DUN LADO QUE DE OUTRO, PERDENDO O EQUILIBRIO E AFUNDINDO RAPIDAMENTE.

Saída ao centro Hípico Alazán

Hoxe ( 26 de Maio ) os alumnos de cinco anos do CRA de Vilaboa fomos de excursión ao centro hípico Alazán de Mos

Todos estabamos moi ilusionados coa saída , regaláronnos unha camiseta e montamos nun poni

As Profes: a verdade é que a saída resultou pouco didáctica , o encargado de acompañarnos e ensinar as instalacións era bastante soso, comezou avisando aos nenos para que non falasen , nin gritasen porque os cabalos se asustaban, pero nun ton no que parecia que os nenos eran salvaxes , non lles explicou nada relativo aso cabalo, tan só se limitou a ensinarlle como corrian e como comían

Cando lle faciamos unha pregunta só lla contestaba ao que lle preguntaba , en lugar de explicarllo a todos os nenos

A verdade é que o señor deixaba bastante que desexar, polo que as mestras viñemos un poico descontentas, sen embargo os nenos viñeron felices de haber podido montar en cabalo e de poder acaricialos

Abellas

Os nenos/as do cole de Paredes fixemos un pequeno proxecto sobre as abellas , aprendemos moitas cousas sobre elas e coa información que nos deron as profes fixemos un pequeno mural a ver se vos gusta

O ARCO DA LÚA (KALANDRAKA)

OS COPÉRNICOS DE REBOREDA ESTIVERON ESTE TRIMESTRE MOI LIADOS CO CONTO DE KALANDRAKA: "O ARCO DA LÚA". XA QUE ESTE ANO ESTÁN INMERSOS NUN PROXECTO CHAMADO "XOGAMOS E APRENDEMOS COA CIENCIA".
NUN DESES EXPERIMENTOS DESCUBRIMOS COMO FACER UN ARCO DA VELLA, POLO QUE BUSCANDO NA BIBLIOTECA DO CENTRO ATOPAMOS UN CONTO QUE FALA DEL. GUSTÓUNOS TANTO QUE NOS PUXEMOS MANS Á OBRA E COMEZAMOS A FACER AS ILUSTRACIÓNS, A PROFE ROSA AXUDÓUNOS UN POUCO CO TEXTO E COA MONTAXE DAS PÁXINAS DO LIBRO.

CANDO O LIBRO ESTIVO REMATADO VISITAMOS A MARGARIDA (A MASCOTA DE BIBLIO) E REGALÁMOSLLE O NOSO LIBRO PARA COMPARTILO CO RESTO DO ALUMNADO NA NOSA ESCOLA. COMO MARGARIDA NON ESTABA NESE INTRE DÉMOSLLO A PROFE AMPARO, QUE MOI CONTENTA O RECIBIU E AXINA FOI A POÑELO NA MELLOR DAS BALDAS DOS EXPOSITORES DA BIBLIOTECA PARA QUE TODOS OS CATIV@S POIDERAN OLLALO.



[rockyou id=137938075]

A QUE SABE A LÚA?

O CONTO DE KALANDRAKA E UN DOS CONTOS MÁIS COÑECIDOS POR TODOS OS NENOS, ADEMÁIS É UN DOS MELLORES RECURSOS DIDÁCTICOS PARA OS MESTRES, XA QUE CON EL PÓDENSE ACADAR DIFERENTES ÁREAS E COMPETENCIAS EDUCATIVAS, SOBRE TODO É UN BO RECURSO PARA TRABALLAR A FILOSOFÍA COS NENOS E NENAS DE EDUCACIÓN INFANTIL. PROBÁDEO E SORPRENDERANVOS AS RESPOSTAS DOS VOSOS CATIVOS E CATIVAS, E MOI INTERESANTE FACER PENSAR AOS CATIVOS, AÍNDA QUE PAREZA UN XOGO PARA ELES É ALGO MOI SERIO E TODAS AS SÚAS RESPOSTAS TEÑEN A SÚA EXPLICACIÓN E RAZOAMENTO LÓXICO, NON SON RESPOSTAS AO AZAR OU PARA SAÍR DO MOMENTO, SÓ TEDES QUE ANALIZALAS UN POUCO E VEREDES CAL É A LÓXICA E O PROCESAMENTO MENTAL QUE FAI FUNCIONAR A SÚA PEQUENA CABEZA.

O CONTO PODERÉDELO ACOMPAÑAR COA CANCIÓN DE SUSA HERRERA, QUE DI:

A LÚA SABE A QUEIXO

A MEL E A CHOCOLATE

A FROITA BEN MADURA

A LIMÓN E A TOMATE.

A TARTARUGA QUIXOA PROBAR

E NIN SEQUERA A PUIDO TOCAR.

A LÚA SABE A QUEIXO

A MEL E A CHOCOLATE

A FROITA BEN MADURA

A LIMÓN E A TOMATE.

A XIRAFA QUIXOA PROBAR

E NIN SEQUERA A PUIDO TOCAR.

A LÚA SABE A QUEIXO

A MEL E A CHOCOLATE

A FROITA BEN MADURA

A LIMÓN E A TOMATE.

A CEBRA QUIXOA PROBAR

E NIN SEQUERA A PUIDO TOCAR.


........

O RATO QUÍXOA PROBAR E...


XOGADE A DESCUBRIR A QUE SABE, VEREDES AS SORPRENDENTES RESPOSTAS QUE PODEN DAR OS VOSOS NEN@S.

A Filomena



!Ai, Ai! Filomena,

quen fora coma tú.

(bis)

Lévache-los azotes,

lévache-los no cú.

!Ai, Ai! Filomena,

quen fora coma tú.



!Ai, Ai! Filoména

Comíche-los cachelos.

(bis)

Comiche-los cachelos,

comíche-los sin sal.

Filomena da ialma

e fixéronche mal.

O Dote Do Meu Sogro

Homes e mulleres,

rapaces e todos, vinde ve-lo dote

que me deu meu sogro.

(bis)

!Ai, ai,ai!

Unha cabra vella

!ai, ai, ai!

Ie un cabrito coxo

(bis)

Actividades:

1- Aprender a cantiga por repetición en eco

2- Aprendizaxe dun xogo de palmas en parellas. na frase A tócanse palmas cruzadas a pulso. NAa frase B tocaríase o seguinte esquema:

- Palmas de frente

- Dedos na cabeza en forma de cornos

- Palmas de frente

- Cambiar de sitio a pata coxa

Debaixo da Figueira

Debaixo da figueira

da tía Xoldeirona

hai un pobre cego

tocando a zanfona

cunha gorra vella,

cunhas gafas negras,

cunha barba branca,

cunha capa grande,

cunhas botas rotas,

cunha vara longa.

Actividades:

1- Aprendizaxe da letra só cos xestos da parte acumulativa.

2- Explicación do funcionamento dunha zanfona

3- Aprendizaxe da melodía que faría o teclado da zanfona

4- CAntiga enteira con xestos

Charla Paulo e Magoia

O día 28 de xaneiro recibimos unha clase maxistral a cargo de PAulo Nogueira e MAgoia Bodega.
Tivemos a sorte de asistir a unha clase moi instructiva donde nos ensinaron diferentes versións para ensinar unha canción, ensinaronnos a musicar contos, a poñerlle letra a obras de música clásica...
A verdade e que foi moi divertido e aprendemos moito
A continuación poderedes ver unha mostra do que aprendemos.

PICO, PICO, MAZARICO.
Pico, pico, mazarico,
¿quen che deu tan grande bico?
deumo o trasno dos traballos
para picar nos carballos

e piquei e repiquei,
tres milliños atopei.
E leveinas a moer
e os ratiños a comer;
E pilleino polo rabo
e leveino ao mercado.

¿Canto me dades por él?
o cabalo de MAnuel

O cabalo estaba coxo
e deixeino xunto a un toxo.
Fun cear coa miña tía,
deume unha culler partida.
Chameille torta e reterota,
mandoume lava-la porca.

E fun por unha sendiña
e atopei unha ovelliña.
E leveille de beber
e bebeu e dixo bee
Pero víronme os ladróns
e sacáronme os calzóns.

ACTIVIDADES:
1- Ensinamos a letra de forma que sempre teñan que contestar ó profesor/a. cada vez que vai aparecendo un personaxe ir sacándoo dun saco. Sempre que se presenta un novo personaxe vólvese a empeza-la cantiga para que pouco a pouco a vaian memorizando.

2- Ensina-la melodía dos catro primeiros versos. Repartir os diferentes personaxes do saco, dándolle a cada neno/a un deles. Cada un contestaralle ó profesor/a en función do boneco que teña na man.

3- Pouco a pouco, e noutras sesións, o alumnado irá interiorizando a cantiga enteira ( incluíndo o que canta sempre o profesor/a).

A TOUPIÑA (Basada no conto de W.Holzwarth/W.Erlbruch ED. Kalandraka)
Un día a toupiña foi toma-lo sol,
sacou a cabeza e chof, chof,chof, chof.
pasou unhapomba e preguntoulle:
¿fuches tí quen me fixo isto na cabeza?
¿Eu? non, ¿Por que?
!Eu fago así!- contestou

( repítese todo cambiando o animal)
un cabalo, unha lebre, unha cabra, unha vaca , un porquiño.

Un día a toupiña foi toma-lo sol,
sacou a cabeza e chof, chof, chof, chof
Pasaron as moscas e lle preguntou
¿Fostes vos quen me fixestes isto na cabeza?
Ñam, ñam, ñam,ñam,
esta claro !foi un can!
colleu a toupiña e foi xunto o can...
Chf, chof, chof, chof
a cagadiña botou.

Actividades
1- contar o conto
2- ensinar a cantiga
3- noutra sesión cantamos a cantiga pero cada neno/a é un personaxe do conto e canta a parte que lle corresponde
4- repartimos instrumentos a cada personaxe, para que ademais de cantar toquen a ritmo da cantiga
Toupiña ( triángulo)
Pomba ( Claves)
Cabalo ( caixa chinesa)
lebre ( axóuxeres)
Cabra ( pandeireta)
Vaca ( pandeiro)
Porquiño ( cunchas)
Moscas ( maracas)

Can ( roncar todos)